شكوى شيك قرض بدون تاريخ من بنك egbank

 روحت عملت قرض سياره في EGbank بعد الموافقه ما طلعت موظف البنك اتصل بيا و قالي ان المفروض همضي علي خمس شيكات بتوع الخمس سنين يعني مش همضي علي 60 شيك قولت ماشي و قالي كمان اني بستلم الشيكات كلها في اخر الخمس سنين بعد ما اكون خلصت اخر القسط سالته ايه السبب ليه مستلمش شيك بشيك يعني ليه كل ما اخلص تسديد سنه ما استلمش الشيك بتاعها قالي لا ده سيستم بنك بتستلمي الشيكات الخمسه كلها مره واحده في اخر الخمس سنين قولت ماشي مش مشكله لان انا نيتي خير و ناويه ادفع ان شاء 

و انا رايحه امضي الشيكات فوجئت ان الخمس شيكات بدون تاريخ يعني كل شيك مكتوب فيه المبلغ الي المفروض اسدده في السنه كلها و في النفس الوقت الشيك مش مكتوب عليه تاريخ و شرحه طبعا الشيكات كلها 

امتنعت عن التوقيع و قولت مش همضي طيب ليه الشيكات بدون تاريخ منتهي الاستفزاز في الرد الشيكات بتطلع بدون تاريخ انا مش بترخ شيكات 

مشيت و مردتش امضي 

روحت البنك المركزي عشان اعرف ده قانوني و لا لأ 

من اول الاستعلامات الي بره للموظف المسؤول عن البنك المصري الخليجي في البنك المركزي قالي ان ده غير قانوني و ان ممكن بعد ما انا ادفع البنك يحط تاريخ علي الشيك و يطالبني بيه مره تانيه و خصوصا انه هيفضل محتفظ بالخمس شيكات معاه الخمس سنين او انه ممكن يطالبني بالخمس شيكات في اي وقت ( وقت ما يجيله مزاجه ) لان الشيكات بدون تاريخ 

الموظف المسؤول هناك قالي نصا مادام دي شيكات اقساط يعني مش شيكات ضمان دي شيكات اقساط و مكتوب فيها مديونيه تتحصل في وقت معين لازم يكون فيها تاريخ لان دي شيكات اقساط و طلبوا مني في البنك المركزي اني اكتب شكوي و فعلا كتبتها و اقدمتها بصورة بطاقتي 

اسفه علي الاطاله 

لكن موظفة البنك المركزي قالتلي كلمه انا عمري ما هنساها قالتلي كويس انك عندك وعي و رفضتي انك تمضي فيه ناس بتمضي و خلاص 

سؤال اخير 

يعني ايه امضي علي شيكات اقساط ليها مواعيد معينه بدون تاريخ ؟

تعديل بسيط :

ممكن شير يا جماعه عشان الموضوع يوصل لاكبر قدر ممكن من الناس و البنوك دي تبطل الاساليب الغير قانونيه 

و الناس وعيها يزيد

تم التعديل و وضع صورة الشكوي المقدمه للبنك المركزي مختومه منهم

المصدر: فيسبوك