سرقة 75 الف جنية من كريديت بنك cib بدون otp

شكوى من :

Mohamed Fawzy

انا اتسرق من ال credit card بتاعتي ٧٥ الف جنيه ف اقل من ٣ دقايق من بنك CIB Egypt

ف هحكلكم على الموقف ده على الاقل لو حقي مرجعش الناس تعرف هي بتتعامل مع مين وهحط في comments الصور للدليل على كلامي

كنت قاعد فجأه لقيت مسج جيالي من CIB تم خصم ٢٥ الف جنيه من مكان مجهول واسمه غريب ف عرفت علاطول ان ده هاك حاصل ف دخلت على ال app بتاع البنك اوقف ال credit card و طبعا ك العاده بننزل features بايظه كل معمل ال request يقولي invalid data مع انك ف الحاله دي مش بتدخل بينات اصلا وبتدوس زرار وخلاص بعد كام محاوله كلهم فاشلين في خلال الوقت ده تم خصم ٨٠٠ يورو بعدين تم خصم 144 دولار وكل شويه transaction تانيه تحصل وفلوس تتخصم.

كلمت خدمة العملاء بما ان ال app مش شغال و على ما "للغه العربيه اضغط واحد" وحد يرد عليك كل ده فلوس قاعده تتخصم وبعد ماحد رد بدل مانوقف الكارت و ننجز لسه محتاجين نراجع البيانات و قولي الرقم القومي من الشمال لليمين على ما خلصت كل الكلام الجميل ده كان اتسحب ٧٥ الف واللي نقذني من ان مابتسحبش اكتر من كده هو الحد الاقصى للعمله الاجنبيه اللي هو ٧٥ الف كلهم بما ان كل المعاملات من بره مصر يعني لو كان في مليون جنيه كانو اتخصمو كلهم على ماوصل اننا اوقف الكارت ده من غير اي حمايه من البنك.

كل ال transactions اللي حصلت فخلال دققتين من merchants غربيبه ومجهولة المصدر وملهمش وجود على الانترنت اصلا ومن غير اي OTP يتبعت لاي من ال transactions اللي اتخصمت دي ب اي مبلغ ومن غير اي fraud detection mechanism من جانب ال بنك اي رقم متاح كان زمانه اتخصم.

بعد ما وقفلي الكارت وفتحلي شكوى و اتقالي ف خلال ٧ ايام حد هيكلمك يتابع مع حضرتك و بعدين ممكن نقعد لحد ثلاثين يوم ولو معاد السداد وصل انت مطالب بتسديد المبلغ كامل علشان مينزلش عليك فوايد.

مع ان ده كلام مش منطقي قولت اكيد مش هتاخد كل ده لان اي حد لو مش فاهم اي حاجه وشاف ال معاملات دي ب الاماكن دي و ان مفيش اي OTP مبعوت هيعرف ياعني والحوار هيخلص.

بعد كام يوم معامله منهم رجعت وواحده اختفت خالص وفلوسها اتخصمت بس اتشالت من ال history و الباقي لحد النهارده لسه مرجعش ومفيش اي متابعه من ناحيتهم وكلمتهم كذا مره واحد يقولي هفتحلك شكوى جديده و اكلم تاني واحد يقولي الشكوى الثانيه اللي اتفتحتلك دي اتفتحتلك غلط هعملك تصعيد وهتابع معاك وبعد مايقفل ولا كان اي حاجه حصلت حتى المعامله اللي رجعت ومعترفين انها هاك مرجعوش ال foreign currency exchange fees اللي بيخدوها.

اخر update بقى و انا بكلمهم للمره المليون يقولولي جالنا رد ان انت اللي approved على ال معاملات دي قولتلهم جميل انتم معاكو history كل ال messages اللي بتتبعتلي من عندكم قلولي OTPs اتبعتتلي امتى ؟ الرد ان لا مش شايفه الكلام ده اكيد حضرتك دخلت الكارت ده زمان قولتلها جميل برضه عايزك تفتحيلي اي site من دول اصلا لانهم ملهمش وجود اساسا او لو انا دخلت ال كارت قبل كده ف على الاقل عندي معامله واحده معاهم قبل كده! الرد طيب هحولك للمدير بعد ربع ساعه waiting طيب معلش المدير معاه مكالمه تانيه هيخلصها ويكلم حضرتك علاطول بعد كام ساعه كده كلمني وحكتلو نفس الكلام اللي فوق ده قالي اه تصدق عندك حق فعلا مش شايف اي سابقة معاملات معاهم قبل كده و انا هاخد الموضوع شخصي وهتواصل معاك وتقريبا خدو شخصي ومشتفوش تاني.

الملخص دلوقتي ان فعلا مع بنك زي ده مفيش اي ثقه او امان بعد كده مهزله يعني للعملاء بتوعه وده مكان انا ما امنش اني اسب فلوسي فيه او استخدم ال services بتاعته و انا حاليا بستخدم prepaid card بحط عليها فلوس اول ب اول ومباستخدمش ال credit card بتاعتهم لحد ماخد حقي و اقفل حسابي معاهم.

وياريت لو حد يعرف ايه الاجرائات القانونيه اللي الواحد ممكن ياخدها ف حاله زي دي يفدنا.

مصدر الخبر : فيسبوك